Turk harbiylari kurdlar pozitsiyalariga javob zarbasini berdi

Turkiya qurolli kuchlari Suriya shimoli-g‘arbidagi Afrin shahriga yaqin bo‘lgan kurdlar pozitsiyalarini o‘qqa tutib, ularning harakatiga javob qaytarishdi. Bu haqda Anadolu agentligi xabar bermoqda.

Turkiya Bosh shtabining yozma bayonotida ta'kidlanishicha, harbiylarning xatti-harakati mamlakat o‘zini o‘zi mudofaa etish huquqiga ega ekaniga asoslangan.

«Demokratik ittifoq» va «Kurdiston ishchi partiyasi» terrorchilarining Afrin tumanidan o‘qqa tutishlariga javoban, Turkiya qurolli kuchlari terrorchilarning Suriya shimolidagi obektlariga 19-20 yanvar kunlari qator zarbalar berdi», - deyiladi bayonotda.

Eslatib o‘tamiz, avvalroq Turkiya kurdlarga qarshi amaliyot boshlanganini e'lon qilgandi.