Turkiya bosh shtabi Suriya shimolidagi yangi amaliyot haqida e'lon qildi

Turkiya Suriya shimolidagi Afrin tumanidagi kurd harbiy bo‘linmalariga qarshi «Zaytun novdasi» nomi ostida harbiy amaliyot boshlagani haqida e'lon qildi. Anadolu agentligi Bosh shtabga asoslanib xabar berishicha, harbiy operatsiya mahalliy vaqt bilan soat 17:00da boshlandi. 

Qayd etilishicha, ushbu amaliyot Turkiya tomonidan qo‘llab-quvvatlanadigan Suriya muxolifati bilan muvofiqlikda olib boriladi.

Turkiya bosh vaziri Binoli Yildirim turk aviatsiyasi Suriya shimolidagi kurdlarning kuzatuv punktlarini bombalagani haqida ma'lum qilgan.

Biroz avvalroq Turkiya prezidenti Rajab Toyib Erdo‘g‘an Suriyaning Afrin mintaqasida kurdlarga qarshi turk harbiy operatsiyasi boshlanganini e'lon qilgandi.