Rasman: Sanches «MYu»da, Mxitaryan – «Arsenal»da

«Manchester Yunayted» va «Arsenal» bir vaqtda Aleksis Sanches va Genrix Mxitaryan transferlarini e'lon qildi.

Klublar o‘rtasida futbolchilar almashinuvi haqida rasman e'lon qilindi. «MYu» Mxitaryan Sanches transferining bir qismi bo‘lgani, «Arsenal» esa chililik futbolchini armanistonlik havbekni olish uchun berganini ma'lum qilgan.

Bundan avvalgi xabarlarda, shartnomasi tugayotgan Sanches Manchester klubiga tekinga ketishi, Mxitaryan esa Londonga tekinga kelishi ma'lum qilingandi.

Ikki futbolchi ham o‘zlarining yangi klublari bilan uzoq muddatli shartnomalar tuzishgan.