Расман: Санчес «МЮ»да, Мхитарян – «Арсенал»да

«Манчестер Юнайтед» ва «Арсенал» бир вақтда Алексис Санчес ва Генрих Мхитарян трансферларини эълон қилди.

Клублар ўртасида футболчилар алмашинуви ҳақида расман эълон қилинди. «МЮ» Мхитарян Санчес трансферининг бир қисми бўлгани, «Арсенал» эса чилилик футболчини арманистонлик ҳавбекни олиш учун берганини маълум қилган.

Бундан аввалги хабарларда, шартномаси тугаётган Санчес Манчестер клубига текинга кетиши, Мхитарян эса Лондонга текинга келиши маълум қилинганди.

Икки футболчи ҳам ўзларининг янги клублари билан узоқ муддатли шартномалар тузишган.