Turkiya hududining Afrindan o‘qqa tutilishi oqibatida 50 dan ko‘proq kishi jarohat oldi

Turkiya janubidagi Xatay viloyatida joylashgan Rayhonli shahrining Suriyaning Afrin shahridan o‘qqa tutilishi oqibatida bir kishi halok bo‘ldi va 46 kishi jarohat oldi. Shuningdek, Kilis shahrida ham 7 kishi yaralangan.   

“Kurdlarning PYD (“Demokratik ittifoq”) terrorchilari tomondan Rayhonli tomon 11 ta raketa otilgan bo‘lib, ulardan 9tasi shahar hududida portladi”, deb aytilgan Xatay viloyati ma'muriyatida.

Kilis ma'muriyatining xabar qilishicha, bu shahar ham Afrindan o‘qqa tutilgan. Bu yerda 4 ta raketa portlagan.

Turkiya 20 yanvarda suriyalik kurdlar guruhlariga qarshi harbiy operatsiya boshladi. Anqaraning ta'kidlashicha, ushbu operatsiya faqat terrorchilarga qaratilgan.

Damashq Turkiyaning Afringa hujumini qoralab, uni “tajovuzkorlik” deb atagan.