Hollivudning eng keksa aktrisasi Konni Soyyer 106 yoshida hayotdan ko‘z yumdi. Bu haqda Deadline nashri xabar bermoqda.
Nashr ma'lumotlariga ko‘ra, Soyyer 23 yanvarda (AQSh vaqti bilan 22 yanvar) Vudlend-Xillzdagi (Kaliforniya shtati) uyida hayotdan ko‘z yumgan. Aktrisaning vafotiga nima sabab bo‘lgani ma'lum qilinmagan.
Aktrisa Hollivudning eng keksa ishlovchi aktrisasi bo‘lgan. U 2017 yil oxirigacha ishlashni davom ettirgan. Aktrisaning hisobida 140 dan ko‘proq film va seriallar mavjud. U “Ahmoq va yanada ahmoqroq”, “Ananasli ekspress” va “Harri Sallini uchratganda” kabi mashhur filmlarda suratga tushgan.
