AQSh Falastin rahbariyati Isroil bilan tinchlik xususida kelishib olmaguncha, bu muxtoriyatga moliyaviy ko‘mak bermaydi. Bu haqda 25 yanvarda AQSh prezidenti Donald Tramp Davosdagi jahon iqtisodiy forumida Isroil bosh vaziri Binyamin Netanyaxu bilan uchrashuvda aytib o‘tdi.
“Biz falastinliklarga yuzlab million dollarlar beramiz. Ular bir hafta oldin vitse-prezidentimizga Falastinga borishga ijozat bermay, bizga hurmatsizlik qildilar. Ular tinchlik bo‘yicha kelishib olmagunlarigacha bu pullarni olmaydilar. Isroil tinchlik istamoqda”, deb aytgan Tramp.