Tennis ismli tennischi ultrao‘ng qarashlarda ayblandi

Amerikalik tennischi Tennis Sandgrenni ultrao‘ng qarashlarda ayblashdi, deb xabar bermoqda CNN.

Ta'kidlanishicha, Tennis tvitterdagi sahifasida o‘nglar harakatini qo‘llab-quvvatlashga aloqador bo‘lgan pozitsiyasini bildiruvchi postlarni bir necha marotaba joylashtirgan.

Xususan, amerikalik tennischi siyosiy arbob Nikolas Fuentesni qo‘llab-quvvatlagan. U esa turli harakatlar borasida istehzo aralash fikr bildiradi, shuningdek, ksenofobiyani targ‘ib qiladi.

Tennisning o‘zi o‘nglarga nisbatan ijobiy munosabatda ekanini rad qilib, tvitterdagi yozuvlarini o‘chirib tashladi. Aynan o‘sha postlar Amerika OAVda shubha uyg‘otgan.