O‘zbekiston va Qirg‘iziston chegara bo‘yicha navbatdagi uchrashuvni o‘tkazdi 

2018 yilning 21 yanvar kuni O‘zbekiston - Qirg‘iziston davlat chegarasini delimitatsiya va demarkatsiya qilish masalalari bo‘yicha O‘zbekiston Respublikasi va Qirg‘iziston Respublikasi hukumat delegatsiyalari ishchi guruhlarining O‘sh shahrida to‘rt kun davom etgan navbatdagi uchrashuvi yakunlandi. 

Tashqi ishlar vazirligi axborot xizmati tarqatgan xabarga ko‘ra, muzokaralarda O‘zbekiston - Qirg‘iziston davlat chegarasidagi qolgan uchastkalarni tavsiflash bo‘yicha ish davom ettirilgan.

Ta'kidlanishicha, uchrashuv do‘stlik va yaxshi qo‘shnichilik ruhida o‘tgan.