Shveytsariyalik tennischi Rojyer Federer “Katta dubulg‘a” musobaqasining mavsumdagi ilk musobaqasi – Avstraliya chempionatining ikkinchi finalchisi bo‘ldi. Melburndagi musobaqada 2-raqamli o‘yinchi sifatida ishtirok etayotgan faxriy tennischi finalda Australian Open’ning 6-raqamli tennischisi, xorvatiyalik Marin Chilich bilan uchrashadi.
Federer yarim finalda joriy musobaqaning “kashfiyoti”, koreyalik Xen Chon bilan uchrashdi. Koreyalik tennischi uchrashuv Federer foydasiga 1:6, 2:5 hisobida davom etayotganda o‘yinni davom ettirishdan bosh tortgan. Federer shu tariqa “Katta dubulg‘a” seriyasiga kiruvchi musobaqalarning 30-finaliga chiqdi va agar yutsa, seriyadagi 20-unvonni qo‘lga kiritadi.
Federer va Chilich rasmiy uchrashuvda 9 marta uchrashishgan, ustunlik 8:1 hisobida Federer tomonda.
Avstraliyadagi musobaqaning erkaklar o‘rtasidagi amaldagi g‘olibi Federer, ayollar o‘rtasidagi g‘olibi esa Serena Uilyams hisoblanadi.
Musobaqaning mukofot jamg‘armasi 43 mln 54 ming dollarni tashkil qiladi.
