Dunyodagi eng katta tilla uzuk BAAning Sharja amirligidagi Sahara Centre’da bir oyga tomoshaga qo‘yildi.
Najmat Taiba nomli 21 karatli uzuk deyarli 64 kg keladi va 5,1 kg qimmatbaho toshlar va brilliantlar bilan qoplangan. Unda shuningdek 615 ta Swarovski kristali bor.
Najmat Taiba o‘z egasiga 2000 yilda 547 ming dollarga tushgan, o‘shanda oltinning bir untsiyasi 250 dollar turgan. O‘sha vaqtdan beri oltin narxi deyarli 6 barobarga ko‘tarilib, hozirda 1497,5 dollar atrofida sotilmoqda. Shu tariqa hozirda bu uzukning narxi taxminan 3 mln dollarga baholanmoqda.
Dubayning Taiba kompaniyasiga tegishli ushbu uzukni yaratish ustida 55 mutaxassis 45 kun davomida 10 soatdan mehnat qilgan.
