Prezident Finlyandiya yetakchisini tabrikladi

O‘zbekiston Respublika prezidenti Shavkat Mirziyoyev Finlyandiya Respublikasi prezidenti Sauli Niynistyoni davlat rahbari lavozimiga qayta saylangani bilan tabrikladi. Qutlov matni davlat rahbari matbuot xizmati tomonidan taqdim etilgan.

“Finlyandiya Respublikasi Prezidenti
Sauli Niynistyo
Janobi Oliylariga

Janobi Oliylari!

Finlyandiya Respublikasi Prezidenti etib qayta saylanganingiz munosabati bilan samimiy tabriklarimni qabul qilgaysiz.

Mamlakatlarimiz o‘zaro amaliy hamkorlik qilish, yuksak texnologiyalar va og‘ir sanoatdan tortib turizm va ta'lim almashinuvlarigacha bo‘lgan turli sohalarda aniq dastur va loyihalarni birgalikda amalga oshirish uchun keng imkoniyat va katta salohiyatga ega.

Sizga, Janob Prezident, mustahkam sog‘lik, oilaviy baxt, davlat rahbari sifatidagi mas'uliyatli lavozimingizda katta muvaffaqiyatlar, do‘st Finlyandiya xalqiga esa tinchlik va farovonlik tilayman.

Shavkat Mirziyoyev,
O‘zbekiston Respublikasi Prezidenti”.