Shimoliy Koreyada Rossiyaning birgina fuqarosi uchun saylovlarda ovoz berish tashkillashtiriladi 

Rossiyaning Shimoliy Koreyadagi elchixonasi konsullik bo‘limida Rossiya prezidenti saylovlarida ovoz berish uchun saylov uchastkasi ochiladi. Bu yerda ovoz beruvchilar ro‘yxatiga Rossiyaning Shimoliy Koreyada yashovchi birgina fuqarosi – Vladimir Li nomi kiritilgan.    

“Elchixonamiz Vladimir bilan muntazam muloqot qiladi, unikiga mehmonga boradi va mehmonga taklif qiladi, zarur bo‘lganda ko‘mak ko‘rsatadi”, deb ma'lum qilingan elchixonaning Facebook’dagi sahifasida.

Ta'kidlanishicha, Vladimir Lining otasi shimoliy koreyalik bo‘lgan. U 18 mart kuni Pxenyandagi elchixonada tashkillashtiriladigan saylov uchastkasiga ovoz berish uchun keladi.