Toshkentda ayol o‘z chaqalog‘ini sovuq kunda sport sumkasiga solib, ko‘chaga tashlab ketdi

Toshkent shahrining Sergeli tumanida chaqaloq topildi. Bu haqda O‘zbekiston Respublikasi IIV Jamoatchilik va ommaviy axborot vositalari bilan aloqalar boshqarmasi xabar qilmoqda.

Qayd etilishicha, Sergeli tumanida 27 yanvar kuni soat 14:00larda Lutfikor 4-tor ko‘chasida yashovchi fuqaro, uyi oldiga yaqinlashganida sport sumkasiga solingan, yangi tug‘ilgan jinsi o‘g‘il bolaga mansub bo‘lgan chaqaloq topib olib IIBga xabar bergan.

Chaqaloq kasalxonaga yotqizilgan. Uning onasini aniqlash choralari ko‘rilgan.