Olive Jiru «Arsenal»dan «Chelsi»ga o‘tdi.
«Chelsi» ushbu transfer uchun «Arsenal»ga 15,3 mln funt to‘lagan. Yana 2,2 mln funt bonus sifatida berilishi mumkin.
31 yoshli futbolchi bilan 1,5 yillik shartnoma tuzilgan, shartnoma yana bir yilga uzaytilishi mumkin. Jiru «Chelsi»da 18 raqamida to‘p suradi.
Joriy mavsumda Jiru premer-liganing 16 uchrashuvida maydonga tushgan va 4 gol urgan.
«Arsenal» «Borussiya»dan Per-Emerik Obameyangni xarid qilgani tufayli u «Chelsi»ga yo‘l oldi.
2012 yildan buyon «Arsenal» safida to‘p surib kelgan Jiru «kanonirlar» uchun 253 uchrashuv o‘tkazgan va 105 gol urgandi.
