Afg‘onistonda IShIDning 7 ming faol jangarisi bor – Rossiya tashqi ishlar vazirligi
Afg‘onistonda IShIDning 7 mingga yaqin faol jangarisi va bir necha ming “zaxiradagi jangarilari” harakat qilmoqda. Bu haqda Rossiya prezidentining maxsus vakili, Rossiya tashqi ishlar vazirligining Osiyo bo‘yicha ikkinchi departamenti boshlig‘i Zamir Kabulov aytib o‘tdi.
“Biz oxirgi 3 yil davomida IShIDning Afg‘onistondagi qanoti shakllanishi ortidan kuzatmoqdamiz. IShID jangarilarining soni 60-70 mingni tashkil qiluvchi “toliblar”nikiga yetmaydi. Bizning hisob-kitoblarga ko‘ra, Afg‘onistonda IShIDning bir necha ming zaxiradagi jangarilaridan tashqari, 7 mingga yaqin faol jangarisi bor. Aynan zaxiradagi jangarilarni aniqlash – bu murakkab vazifadir. Bundan tashqari, bu “zaxirachilarni” aniqlashi kerak bo‘lgan afg‘on hukumati ham, xorijiy qo‘shinlar ham ularni aniqlash bilan shug‘ullanmayapti. Bu juda jiddiy masala”, deb aytdi Kabulov “Rossiya-24” telekanali efirida.
Mavzuga oid
20:59 / 14.10.2024
«Tolibon» OAVda tirik mavjudotlar tasvirini taqiqlashga va’da berdi
19:30 / 14.10.2024
«Tolibon» O‘zbekistondan «Termiz» chegara bozorida musiqa qo‘ymaslikni so‘radi – OAV
12:20 / 14.10.2024
O‘zbekiston prezidentining maxsus vakili Afg‘onistonga bordi
16:50 / 11.10.2024