Foto: RIA "Novosti"
Qirg‘izistonda yashirin terrorchilik yacheykasi yetakchisi qo‘lga olindi, u odamlarni yollash bilan shug‘ullangan. Bu haqda «Interfaks» Qirg‘iziston Milliy xavfsizlik davlat qo‘mitasi matbuot xizmatiga tayangan holda xabar bermoqda.
«Aniqlanishicha, qo‘lga olingan shaxs yashirin yacheykani tashkil etgan va unga boshchilik qilgan. U jinoiy faoliyatni amalga oshirish uchun soxta hujjatlardan, jumladan Qirg‘iziston fuqarosi pasportidan foydalangan. Shuningdek, xalqaro terrorchilik tashkilotlari rahbarlari ko‘rsatmasiga binoan Farg‘ona vodiysida odamlarni yollash bo‘yicha platsdarm tashkil qilgan», deya xabar berishgan Qirg‘iziston MXDQdan.
Ta'kidlanishicha, qo‘lga olingan shaxs ekstremistik jinoyatlar uchun xalqaro qidiruvda bo‘lgan.
