Foto: Flickr / didbygraham
AQShning Janubiy Karolina shtatidagi Payn Rij shahri yaqinida mahalliy vaqt bilan 4 fevral ertalab Amtrak temir yo‘l kompaniyasining Nyu-York–Mayami yo‘nalishi bo‘yicha harakatlanayotgan yo‘lovchi poyezdi yuk poyezdi bilan to‘qnashib ketdi.
To‘qnashuv oqibatida 2 kishi halok bo‘lgan, 70 ga yaqin kishi jarohat olgan.
Ma'lum qilinishicha, jarohatlanganlar mahalliy shifoxonalarga yetkazilganlar.
Amtrak ma'lumotlariga ko‘ra, yo‘lovchi poyezdida 139 yo‘lovchi va ekipajning 8 a'zosi bo‘lgan. To‘qnashuv oqibatida poyezdning bir nechta vagoni relslardan chiqib ketgan. Voqea joyida qutqaruvchilar ish olib bormoqdalar.
