Qirg‘iziston: O‘zbekiston bilan chegarada yaralangan fuqaro bo‘yicha surishtiruv davom etmoqda

Qirg‘iziston-O‘zbekiston chegarasida yaralangan qirg‘izistonlik fuqaro bo‘yicha surishtiruv ishlari olib borilmoqda. Bu haqda AKIpress Qirg‘iziston Davlat chegara xizmatiga asosan xabar berdi.

Surishtiruv ishlarini olib borish uchun maxsus komissiya tashkil etilgan. U chegara xizmati boshqarmasi organlari va mahalliy hokimiyat vakillaridan tashkil topgan. Qirg‘iziston tomoni surishtiruvni xuddi o‘zbek tomoni kabi alohida olib bormoqda.

«Natijalar yaqinda ma'lum bo‘ladi. Ularga ko‘ra, qo‘shimcha ma'lumot beriladi», - deya xabar qilishgan Qirg‘iziston Davlat chegara xizmatidan.

Mavzuga oid: O‘zbekiston oyog‘idan yaralangan shaxsni Qirg‘izistonga topshirdi

Eslatib o‘tamiz, avvalroq O‘zbekiston chegarasini noqonuniy kesib o‘tgan qirg‘izistonlik oyog‘idan yaralangani xabar qilingandi.