Turizm qo‘mitasi tomonidan joylashtiriluvchi tashqi reklama ijtimoiy reklamaga tenglashtirildi

O‘zbekiston respublikasi prezidentining «O‘zbekiston Respublikasi turizm salohiyatini rivojlantirish uchun qulay sharoitlar yaratish bo‘yicha qo‘shimcha chora-tadbirlar to‘g‘risida»gi farmoni ijrosini ta'minlash maqsadida «Ichki turizmni jadal rivojlantirishni ta'minlash bo‘yicha chora-tadbirlar to‘g‘risida»gi prezident qarori imzolandi.

Hujjat bilan Turizmni rivojlantirish bo‘yicha davlat qo‘mitasi va joylardagi ijro hokimiyati organlari tomonidan joylashtiriluvchi tashqi reklama ijtimoiy reklamaga tenglashtirildi.

Qoraqalpog‘iston Respublikasi Vazirlar Kengashi, viloyatlar va Toshkent shahri hokimliklariga 2018-2020 yillarda beg‘araz asosda markaziy ko‘chalar, aholi gavjum joylar va yo‘llardagi shchitlar, ekranlarda, respublikaning har bir mintaqasida kamida 100 joyda tashqi reklama o‘rnatilishini ta'minlash vazifasi yuklandi.