Pokistonlik toliblar yetakchisi AQSh droni yordamida yo‘q qilindi – OAV

Foto: Radio marshall

Pokistonlik toliblar yetakchisi Said Sajna AQShning uchuvchisiz parvoz qurilmasi zarbasi bilan yo‘q qilindi. Bu haqda Afg‘oniston televideniyesi ma'lum qilgan.

Biroq Sajnaning qayerda yo‘q qilingani bo‘yicha turli versiyalar berilgan. Versiyalardan biriga ko‘ra, Pokistonning shimoli-g‘arbida joylashgan “Tahrik-i-Tolibon Pokiston” (TTP) harakati yetakchisi Pokistonning Shimoliy Vaziriston viloyatida yo‘q qilingan. Boshqa manbalarning ma'lum qilishicha, voqea Afg‘oniston hududida yuz bergan.

Televideniye Afg‘oniston hukumatidagi manbalarga iqtibos keltirgan holda Sajna bilan birga uning Ismoil ismli jiyani va ikki tansoqchisi o‘ldirilganini ma'lum qilgan.

Ma'lum qilinishicha, Sajna TTPga 2013 yilning oxirida Xakimulloh Maqsud o‘rniga tayinlangan. Maqsud ham o‘z vaqtida AQSh droni tomondan yo‘q qilingan.