60 ta mashina ishtirokidagi yo‘l-transport hodisasi oqibatlari drondan tasvirga olindi

AQShning Marshfild shahri yaqinida, 44-raqamli shosseda 60 dan ko‘proq avtomobil shikastlangan jiddiy yo‘l-transport hodisasi yuz berdi. YTH oqibatlari drondan tasvirga olingan. 

Time nashrining xabar berishicha, YTHga yomon ob-havo sharoiti sabab bo‘lgan. Politsiyachilarning ta'kidlashicha, harorat o‘zgarib turgani sabab yoqqan qor tezda erib, so‘ngra muzlagan. Bu esa yo‘llarda yaxvonlik paydo bo‘lishiga olib kelgan. Muz ustidan yoqqan qor vaziyatni yanada murakkablashtirgan. Bunday sharoit Kanzas, Missuri va Ayova shtatlari trassalarida yirik YTHlar yuz berishiga olib kelgan. Xususan, Ayovada 70 dan ko‘proq mashina ishtirokida YTH yuz bergan. 

Umumiy hisobda 650 ga yaqin avariya qayd qilingan, 6 kishi halok bo‘lgan, o‘nlab odamlar jarohat olgan.