Eron hukumati Tehronda islom inqilobining 39 yilligi munosabati bilan o‘tkazilgan tadbirda yangi “Qadr” ballistik raketasini taqdim qildi. Fars axborot agentligining ma'lum qilishicha, suyuq yoqilg‘ida ishlovchi raketa kamida 2 ming kmlik masofani o‘ta oladi.
Ta'kidlanishicha, raketa yaratuvchilari uni ham harakatlanuvchi pusk qurilmasidan, ham shaxtadan otish imkoniyatini nazarda tutishgan. Raketa uchirilganini ehtimoliy dushmandan yashirish uchun u maxsus himoya tizimi bilan jihozlangan.
Dastlabki ma'lumotlarga ko‘ra, raketa turli mo‘ljallarni nishonga olishi uchun ajraluvchi kallak bilan jihozlanishi mumkin.
Bayram tadbirlarida Eron harbiy-sanoat majmuasining boshqa yangi ishlanmalari ham taqdim qilingan. Jumladan, yaqin masofalarga mo‘ljallangan “Fajr-5” raketasi modifikatsiyasi va “To‘fon 2-M” tanklarga qarshi raketasi namoyish qilingan. Shuningdek, ommaga ayni vaqtda sinovdan o‘tkazilayotgan, “Fotih” sinfidagi suv osti kemasining istiqbolli modeli taqdim qilingan.