Tramp 1,5 trln dollarlik rejani tayyorlamoqda – OAV

AQSh prezidenti Donald Tramp Qo‘shma Shtatlar infratuzilmasini rivojlantirish bo‘yicha 1,5 trln dollarlik rejani taqdim etish niyatida. Bu haqda Associated Press xabar berdi.

Aniqlik kiritilishicha, prezident ma'muriyati byudjyetdan taxminan 200 mlrd dollarni infratuzilmani, jumladan, avtomagistrallar, shahar yo‘llari, ko‘priklar, portlar va aeroportlarni tiklashga sarflashni rejalashtirmoqda.

Yana 50 mlrd dollar qishloq xo‘jaligi bilan bog‘liq bo‘lgan infratuzilma loyihalarini qo‘llab-quvvatlashga ajratiladi.