Kim Chen Inning singlisi farzand kutayotgani ma'lum qilindi

Foto: Reuters

KXDR yetakchisi Kim Chen Inning singlisi Kim Yo Chjon farzand kutmoqda. Koreya Mehnat partiyasi Markaziy qo‘mitasiga a'zo bo‘lgan Yo Chjon homilador ekani haqida Yaponiyaning «Iomiuri» gazetasi Pyongchangdagi olimpiadaga tashrif buyurgan KXDR delegatsiyasidagi vakillardan biriga asosan xabar berdi.

Avvalroq Kim Yo Chjon homilador ekani haqida «Ryonxap» agentligi o‘z manbalariga tayangan holda xabar tarqatgandi.

Avvalroq Shimoliy Koreyaning rasmiy rahbari Kim Yon Nam va mamlakat yetakchisi Kim Chen Inning singlisi Kim Yo Chjon boshchiligidagi delegatsiya Janubiy Koreyaga tashrifini yakunlagani va ortga qaytib ketgani xabar berilgandi. Delegatsiya Janubiy Koreya prezidenti Mun Chje In va bosh vazir Li Nak Yon bilan muzokaralar o‘tkazgan.

Tayyorlagan: Отабек Матназаров

#KXDR #Kim Chen In #Kim Yo Chjon