23:46 / 21.02.2018
7413

Saakashviliga 2021 yilgacha Ukrainaga kirish taqiqlandi

Foto: Reuters

Ukrainaning Mostiska chegara otryadi boshlig‘i Mixail Saakashviliga 2021 yil 13 fevralgacha Ukrainaga kirishni taqiqladi. Bu haqda Saakashvilining advokati Ruslan Chernolutskiyga iqtibos keltirgan holda “Interfaks-Ukraina” nashri ma'lum qildi

Ta'kidlanishicha, Ukraina davlat chegara xizmati boshlig‘i o‘rinbosari Vasiliy Servatyuk Chernolutskiyning so‘roviga javoban chegara xizmati ma'muriyati ushbu qarorni Ukraina qonunchiligi talablariga to‘liq mos keladi, deb hisoblashini ta'kidlab o‘tgan.  

Saakashvilining advokati chegara xizmatining bu qarori noqonuniy ekanligini va uning ustidan arz qilinishini aytgan.

Saakashvili 12 fevralda Kiyevda qo‘lga olinib, samolyotda Varshavaga yetkazilgan. Saakashvili Polsha hududida Ukraina milliy migratsiya xizmati tomondan topshirilgan readmissiya (ortga qabul qilish) haqidagi bayonotga ko‘ra qabul qilingan.

Mavzuga oid
Top