8458.16 USD +9.27

9501.05 EUR +38.29

129.74 RUB -0.07

10994.8 GBP -133.27

19:10 / 01.03.2018 7804

Hyundai бир қувватланишда 470 км юрувчи Kona электрокроссоверини тақдим қилди

Фото: Hyundai

Hyundai компанияси янги Kona Electric электрокроссоверини тақдим қилди. Унинг базавий комплектациясидаги қувват 300 км йўлга етади, 0 дан 100 км/соат тезликка 9,3 сонияда эришади, максимал тезлиги 167 км/соатни ташкил қилади. Агар бу рақамлар автоҳаваскорларни таажжубдан қошларининг кўтарилишига мажбур қилолмаса, унда машинанинг Long Range версияси ҳақиқатан ажаблантиради: унинг юриш захираси 470 кмни ташкил қилади, 0 дан 100 км/соат тезликка 7,6 сонияда эришади. Бу деярли қўшимча ўриндиқларсиз ва юқорига очилувчи эшикларсиз Tesla Model X модели деганидир.

Фото: Hyundai

Kona’нинг базавий версиясида қуввати 39,2 кВт-соатни, Long Range’да эса 64 кВт-соатни ташкил қилувчи батарея ўрнатилган. Тез қувватлагичда аккумуляторлар 54 дақиқада 80 фоизга қувватланади. 

Фото: Hyundai

Машина салони диагонали 18 см келадиган, Android Auto ва Apple CarPlay ўрнатилган ҳамда проекцияловчи дисплейга эга тачскрин билан жиҳозланган. Машинанинг хавфсизлиги учун адаптив круиз-контрол, “кўринмас ҳудудлар”ни аниқлаш тизими ва автоматик тормозлаш функцияси жавоб беради. Европа бозорига машина 2018 йил иккинчи ярмида чиқади. Янги кроссовер неча пул туриши ҳозирча номаълум.

Теглар

Top