Ruslan Melziddinov va Shohruz Norxonov «So‘g‘diyona»da. Jizzax klubi yangi futbolchilarini tanishtirdi

Jizzaxning «So‘g‘diyona» klubi 28 fevral kuni yangi futbolchilarni keng ommaga tanishtirdi. 

Tadbirda Jizzax viloyat hokimligi vakillari, viloyat futbol federatsiya rahbarlari, klub xodimlari, «So‘g‘diyona» ayollar, futzal jamoalari va OAV vakillari ishtirok etdilar, deb xabar beradi klub sayti.

Tadbir davomida «So‘g‘diyona» o‘zining yangi logotipini ham taqdim etdi. 

Klub matbuot xizmatining xabariga ko‘ra, jamoa tarixdan «yashil bo‘rilar» nomi bilan tanilgan ekan. Ammo logotipdagi bo‘ri negadir kulrang ekanini ko‘rishimiz mumkin. Bundan tashqari, yashil tog‘lar ortidan uchib kelayotgan to‘p ham kishini ajablantiradi.

Tadbirning asosiy qismida jamoaga kelgan yangi futbolchilarga futbolkalar topshirildi. 

Ular: Dilshod Hamroyev (darvozabon, 23-raqam), Farhod Mirahmatov (himoyachi, 5), Doniyor Odilov (himoyachi, 7), Shoxruhbek Holmatov (himoyachi, 15), Tohir Shamshitdinov (himoyachi, 33), Akmal Xolmurodov (himoyachi, 26), Dilmurod Karimov (yarimhimoyachi, 6), Doniyor Hasanov (yarimhimoyachi, 8), Sardorbek Azimov (yarimhimoyachi, 9), Alisher Ziyaviddinov (yarimhimoyachi, 19), Jahongir Abdumo‘minov (yarimhimoyachi, 31), Iqbol Malikjonov (yarimhimoyachi, 20), Shoxruz Norxonov (hujumchi, 10), Ruslan Melziddinov (himoyachi, 85), Nurillo To‘xtasinov (yarimhimoyachi, 99).