Pokistonda senatga saylovlar bo‘lib o‘tdi 

3 martda Pokiston federal parlamentining yuqori palatasi – Senatga saylovlar yakunlandi. Ovoz berish natijalari yaqin orada ma'lum qilinadi, deb xabar berdi Geo TV telekanali. 

Senatdagi o‘rinlarga 4 ta viloyat, qabilalar hududlari va Islomoboddan 135 nomzod kurash olib borgan. Nomzodlardan 20 nafari Pokiston xalq partiyasi, 14 nafari muxolif Muttaxid Kaumi harakati, 13 nafari “Tahrik-i-insof” adolat uchun kurash harakatini taqdim qildi.  

Pokiston senati Milliy assambleya (parlament quyi palatasi), mahalliy qonunchilik yig‘inlari deputatlari tomonidan 6 yilga saylanadi. Senat hammasi bo‘lib 104 a'zodan iborat bo‘lib, ulardan yarmining 11 mart kuni vakolatlari tugaydi. Qolgan 52 nafari o‘z majburiyatlarini 2021 yilgacha davom ettiradilar. 

Pokiston qonunchiligiga ko‘ra, Senat 3 yilda bir marta yangilanadi. Senatda 4 ta viloyat – Balujiston, Xaybar-Paxtunxva, Panjob va Sind 23 tadan, qabilalar hududlari 8 ta, Islomobod 4 tadan o‘ringa ega.