Bishkekda dvigateli ishlamay qolgan samolyot favqulodda qo‘ndirildi (video)

Internetda Qirg‘izistonning Tez Jet aviakompaniyasi samolyotining parvozi va favqulodda qo‘nishi videosi paydo bo‘ldi.

Bishkekdagi “Manas” aeroporti matbuot xizmatida ma'lum qilinishicha, samolyot Bishkekdan Batken shahriga soat 14:22da uchgan. Samolyot havoga ko‘tarilgandan ko‘p o‘tmay uning chap dvigateli ishlamay qolgani sababli uchuvchilar favqulodda qo‘nishga ruxsat so‘rashgan.

Layner parvoz boshlangandan yarim soat o‘tgach qo‘ndirilgan. Samolyotda 96 yo‘lovchi bo‘lgan va ularga hech narsa qilmagan.

Tez Jet aviakompaniyasi 2013 yilda tashkil etilgan va Qirg‘iziston hududi bo‘ylab yo‘lovchi tashishlarni amalga oshirib keladi.