Parijda O‘zbekiston Oliy sudi raisi K.Komilovning tashrifi doirasida «Sudlar erkinligi: Fransiya va O‘zbekiston Respublikasi tajribasi» mavzusida davra suhbati bo‘lib o‘tdi. Tadbir O‘zbekiston elchixonasi tomonidan Yevropada xavfsizlik va prognozlashtirish instituti ko‘magida tashkil etildi.
Tadbirda fransuz tomonidan sud-huquq sohasi vakillari, ekspert-tahlilchilar va ommaviy axborot vositalari xodimlari ishtirok etdi.
Uchrashuv tashkilotchilari yevropalik mutaxassislarga O‘zbekistonda 2012-2021 yillarga mo‘ljallangan Harakatlar strategiyasi doirasida amalga oshirilayotgan sud-huquq islohotlari haqida ma'lumot berishdi. O‘zbekiston delegatsiyasi a'zolarining chiqishida respublika sud organlarining jismoniy va yuridik shaxslar huquqiy himoyasini fuqarolik, jinoiy va iqtisodiy huquq sohasida ta'minlashdagi ishi haqida axborot berildi.
Yevropalik ekspertlarning ta'kidlashicha, O‘zbekiston qisqa muddat ichida Fransiya yuz yillab vaqt sarflagan jiddiy islohotlarni amalga oshirdi hamda hozirdayoq katta tajribaga ega.
