O‘zbekiston Oliy sudi delegatsiyasi Fransiyaga bordi

O‘zbekiston Oliy sudi raisi K.Komilov boshchiligidagi mamlakat delegatsiyasi 19-28 fevral kunlari Fransiyaga tashrif buyurgani xabar berilgandi.

Tashrif davomida Adliya vazirligi, ushbu mamlakat Davlat kengashi, Kassatsiya sudi, Parij Tijorat sudi, Xalqaro arbitraj sudi, Apellyatsion ma'muriy sud, shuningdek, Bordo shahri Milliy magistratura maktabi va boshqa tashkilotlarda uchrashuv hamda muzokaralar o‘tkazildi.

Tomonlar muzokaralarda ikki davlatda sud-huquq sohasida amalga oshirilayotgan o‘zgarishlar borasida fikr almashishdi, shuningdek, O‘zbekiston qonunchiligini takomillashtirish, respublika tomonidan inson huquqlarini himoya qilish sohasida o‘ziga olgan majburiyatlarni bajarish holati muhokama etildi.

Ushbu muhim sohalarda hozirgi va kelajakdagi imkoniyatlarni hisobga olgan holda hamkorlikni mustahkamlash bo‘yicha kelishuvga erishildi.