UYeFA «PSJ» ustidan intizomiy ish ochdi

UYeFA Chempionlar Ligasi nimchorakfinalidan o‘rin olgan «PSJ» - «Real» (1:2) o‘yini yakuniga ko‘ra, mezbonlarning ustidan intizomiy ish ochdi. 6 mart kuni Parijda o‘tkazilgan o‘yinda «PSJ» muxlislari pirotexnika vositalarini ishlatganlik, lazer nurlaridan foydalanganlikda ayblanmoqda. Bundan tashqari, klub tashkiliy ishlarni me'yorida bajarmagan, xususan, stadionni tark etish joylari muxlislar tomonidan to‘sib qo‘yilgan. Bu ish bo‘yicha qaror 22 mart kuni chiqariladi.