Britaniyada rossiyalik siyosiy muhojirlar endi qo‘riqlanmoqda

Buyuk Britaniyadan siyosiy boshpana olgan rossiyalik ba'zi muhojirlarga qo‘riqlash xizmati xodimlari biriktirildi. Bu ushbu mamlakatda GRU sobiq polkovnigi Sergey Skripalning zaharlanganidan so‘ng yuz berdi, deb xabar qilmoqda «Kommersant'» o‘z manbalariga asosan.

«Solsberida zaharlanish holati yuz berganidan so‘ng, mening uyim oynasi tagida muntazam ravishda politsiya mashinasi navbatchilik qilmoqda», - deya Britaniyada istiqomat qiluvchi rossiyalik siyosiy muhojirlardan birining so‘zini keltiradi nashr.

Eslatib o‘tamiz, avvalroq amerikalik senator Jon Makkeyn Rossiya prezidenti Vladimir Putin GRU sobiq polkovnigi Sergey Skripalga uyushtirilgan hujum uchun mas'ul ekani, Rossiya yetakchisi jahonning istalgan nuqtasida siyosiy qotilliklar tashkillashtirishdan uyalmayotgani haqida ma'lum qilgandi.