Foto: Reuters
Chempionlar Ligasining 1/8 finalida "Chelsi"ga qarshi kechgan o‘yinda (3:0) "Barselona" futbolchisi Lionel Messi dubl qayd etdi.
Messi 63-daqiqada o‘yindagi ikkinchi golini urib, hisobni yirik ko‘rinishga olib keldi. Ushbu gol Messi uchun Chempionlar Ligasidagi 100-gol bo‘ldi. Shu tariqa u "Real Madrid" forvardi Krishtianu Ronaldudan keyin ushbu natijani qayd etgan ikkinchi futbolchi bo‘ldi.
Argentinalik futbolchi 100ta gol urish uchun 123ta o‘yin, portugaliyalik futbolchiga esa 137ta o‘yin kerak bo‘lgan.
