Filippinda avtobus jarlikka quladi, 19 kishi halok bo‘ldi

Filippinda ro‘y bergan yo‘l-transport hodisasi oqibatida 19 kishi halok bo‘ldi, yana 25 inson jarohat oldi. Bu haqda «Sinxua» xabar bermoqda.

Hodisa G‘arbiy Mindorro provinsiyasida mahalliy vaqt bilan soat 09:30da ro‘y bergan.

Qayd etilishicha, avtobus harakatlanish vaqtida shossedan chiqib ketgan hamda jarlikka qulagan.

Mahalliy ma'muriyat ma'lumotlariga ko‘ra, halok bo‘lganlar orasida avtobus haydovchisi ham bor.

Jabrlanganlar mahalliy uchta shifoxonaga olib ketilgani aytilyapti.