Филиппинда автобус жарликка қулади, 19 киши ҳалок бўлди

Филиппинда рўй берган йўл-транспорт ҳодисаси оқибатида 19 киши ҳалок бўлди, яна 25 инсон жароҳат олди. Бу ҳақда «Синьхуа» хабар бермоқда.

Ҳодиса Ғарбий Миндорро провинциясида маҳаллий вақт билан соат 09:30да рўй берган.

Қайд этилишича, автобус ҳаракатланиш вақтида шосседан чиқиб кетган ҳамда жарликка қулаган.

Маҳаллий маъмурият маълумотларига кўра, ҳалок бўлганлар орасида автобус ҳайдовчиси ҳам бор.

Жабрланганлар маҳаллий учта шифохонага олиб кетилгани айтиляпти.