22:20 / 22.03.2018
4512
Тошкент шаҳрида бир йилда жиноятчилик 43,2 фоизга камайди
Фото: KUN.UZ

Тошкент шаҳрида 2018 йилнинг 20 мартгача бўлган даври мобайнида ўтган йилнинг шу даврига нисбатан жиноят содир этилиши 43,2 фоизга пасайди. Тошкент шаҳар ички ишлар бош бошқармаси бошлиғи, генерал-майор Рустам Жўраев шу ҳақда маълум қилди. 

“2018 йилнинг ўтган 2 ой 20 кунлик муддати давомида Тошкент шаҳрида барча турдаги жиноятлар содир этилиши ўтган йилнинг шу даврига нисбатан камайиши кузатилди. Хусусан, талончилик 44та, безорилик 27та, ўғрилик 262та, фирибгарлик 144та, ўлим билан боғлиқ ЙТҲлар сони 3та, енгил тан жароҳати етказиш жиноятлари 19та, ўртача оғирликдаги тан жароҳати етказиш жинояти 4тага камайишига эришилган.

Бундан ташқари, жамоат жойларида жиноятлар ва ҳуқуқбузарликлар содир этилиши ҳам камайган. Натижада, 2018 йилнинг 20 мартгача бўлган даври мобайнида Тошкент шаҳрида жами 1336та жиноят содир этилган бўлиб, ўтган йилнинг шу даврига нисбатан 1016тага, яъни 43,2 фоизга камайишига эришилган”, - деди Рустам Жўраев.  

Тошкент шаҳар ИИББ бошлиғи Рустам Жўраев
Top