Xitoy vs AQSh. XXR Qo‘shma Shtatlarga chaqiriq bilan chiqdi

Xitoy Tijorat vazirligi AQShni po‘lat va alyuminiyga yangi bojlar bo‘yicha Pekin tashvishiga sabab bo‘layotgan holatlarni tezroq e'tiborga olish hamda bu boradagi qarama-qarshilikka yechim topishga chaqirdi. Bu haqda RIA «Novosti» xabar bermoqda.

«Xitoy AQShni Pekinning tashvishiga sabab bo‘layotgan (AQSh yangi bojlari joriy etilishi tufayli yetkazilgan zarar bo‘yicha) holatlarni muloqot yo‘li bilan bartaraf etishga qat'iy chaqiradi. Shuningdek, o‘rtadagi mavjud qarama-qarshiliklarni muzokaralar yo‘li bilan hal etish kerak, Xitoy va Qo‘shma Shtatlar hamkorligiga ziyon keltiruvchi qadamlardan qochish lozim», - deya ma'lum qilishgan idoradan.

Shuningdek, vazirlikdan qo‘shimcha qilishlaricha, «Xitoy va AQSh dunyodagi eng yirik iqtisodiyotga ega bo‘lib, hamkorlik ikki mamlakat uchun yagona to‘g‘ri tanlov bo‘lib qoladi».