Grozniyda yirik yong‘in chiqdi

Checheniston markazi Grozniy shahridagi 12 qavatli binoda yirik yong‘in ro‘y berdi.

«Kadirov prospekti, 42-uyning yuqori qavatida yong‘in kelib chiqqan», — deya ma'lum qilgan FVV vakili.

Voqea joyiga o‘t o‘chiruvchilar va qutqaruvchilar yetib kelib, ishga kirishgan.

Yong‘in tufayli binoga yondosh joylashgan «Grand-Park» savdo markazida evakuatsiya ishlari olib borildi.

Hozircha hodisa talafotlari haqida ma'lumotlar yo‘q.