Toshkentdagi kafe oldida pichoqbozlik yuz berdi

Toshkent shahrining Yashnobod tumanida jinoyat yuz berdi, xabar qilmoqda O‘zbekiston Respublikasi IIV Jamoatchilik va ommaviy axborot vositalari bilan aloqalar boshqarmasi.

Qayd etilishicha, 23 mart kuni soat 22.30larda Farg‘ona viloyati Qo‘qon shahar Tursunobod ko‘chasida yashovchi, 1988 yilda tug‘ilgan A.U. mast holda Aviasozlar dahasida joylashgan “Yo‘ldoshobod” kafesi oldida o‘zaro janjal oqibatida “Artel” MChJ ishchisi, 1993 yilda tug‘ilgan U.I.ning ko‘krak qismiga pichoq bilan urib jarohat yetkazgan. Natijada U.I. kasalxonaga yotqizilgan. A.U. qo‘lga olingan.