Foto: Al Qabas
Kuvaytda ikki avtobusning ro‘parama-ro‘para to‘qnashishi oqibatida 15 kishi halok bo‘ldi va 4 kishi yaralandi. Bu haqda Khaleej Times nashri xabar bermoqda.
Voqea Kuvayt poytaxtidan shimoldagi Artel Highway shossesida yuz bergan. Avtobuslar ishchilarni olib ketayotgan bo‘lgan.
Qutqaruvchilar voqea joyiga kelib, avtobuslarda qamalib qolgan 4 ishchini ozod qilishgan. Ular shifoxonaga yetkazilganlar.
Yo‘l-transport hodisasining qolgan tafsilotlari ma'lum qilinmagan.
