Afg‘onistonda aviazarba oqibatida 60 ga yaqin kishi halok bo‘ldi 

Afg‘oniston harbiy-havo kuchlari deb taxmin qilinayotgan kuchlarning Qunduz viloyatiga bergan aviazarbasi oqibatida 60 ga yaqin kishi halok bo‘ldi. Hujum davomida “Tolibon” harakati jangarilari tomonidan nazorat qilinuvchi Dasht-a-Archi tumanidagi madrasa binosi barbod bo‘lgan. Ma'lum qilinishicha, halok bo‘lganlarning ko‘pchiligi toliblar va mahalliy aholidir.     

Pajhwok axborot agentligi ma'lumotlariga ko‘ra, kamida 20 kishi mahalliy shifoxonaga yetkazilgan. Aviazarba vaqtida madrasada 200 dan ko‘proq odam, jumladan “Tolibon” oliy kengashi – Pokistonning Kvetta shahrida joylashgan “Kvetta sho‘ro” a'zolaridan biri bo‘lgan. 

2017 yilda Afg‘onistonda “Tolibon” va IShID terrorchilik guruhining hujumlari oqibatida 10 mingdan ko‘proq tinch aholi halok bo‘lgan.