Foto: mk.ru
Armaniston poytaxti Yerevan markazida joylashgan restoranlardan birida portlash yuz berishi oqibatida 8 kishi jarohat oldi. Bu haqda Armaniston favqulodda vaziyatlar vazirligi saytida ma'lum qilindi.
“Mahalliy vaqt bilan soat 20.44da Yerevandagi Shimoliy ko‘chasida portlash yuz bergani, jabrlanuvchilar borligi haqida xabar olindi”, deyilgan xabarda.
Ma'lum qilinishicha, restoranda kislorod balloni portlagan.
Voqea joyida qutqaruvchilar, inqiroziy holatlar boshqarmasi milliy markazining tezkor guruhi ish olib borgan.
Portlashda Armanistonning 6 yosh, 8 yosh va 19 yoshli fuqarolari, Rossiyaning 3 nafar 15 yoshli fuqarosi va Eronning 2 nafar 24 yoshli fuqarosi jarohat olgan. Ular shifoxonaga yetkazilganlar.
