Google YouTube davlat tomonidan moliyalashtiriluvchi Rossiya kanallari kontentiga belgi qo‘yayotganini tasdiqladi

Amerikaning Google kompaniyasi o‘ziga qarashli YouTube servisi Rossiya davlat telekanallari kontentini markirovka qilishga kirishganini tasdiqladi. TASS kompaniya matbuot xizmati ma'lumotiga asoslanib, shu haqida xabar berdi. 

"Kontent shaffofligini ta'minlashga doir sa'y-harakatlarimizning bir qismi sifatida davlat tomonidan moliyalashtiriladigan kanallar yoniga belgi qo‘sha boshladik", - deyishdi matbuot xizmatida. 

Bundan avval OAVda YouTube'ning xorijiy segmentida "VGTRK" to‘liq yoki qisman Rossiya hukumati tomonidan moliyalashtiriladi" yozuvi bo‘lgan "VGTRK" xoldingi videokontenti skrinshotlari paydo bo‘lgandi. Shunisi qiziqki, YouTube'ning ruscha segmentida bunday yozuv yo‘q.