Xitoy Rossiyaning S-400 majmuasini olgan ilk xorijiy davlat bo‘ldi

Rossiyaning Ust-Lug portidan Xitoyga S-400 havo hujumiga qarshi S-400 majmuasining qo‘mondonlik punkti, radiolokatsion stansiyalari, pusk va energetik qurilmalari hamda yordamchi qurilmalarga ega ikkita kema yetib keldi. Shuningdek, Xitoyga keltirilgan S-400’ning ilk partiyasi tarkibiga qo‘shimcha qurilmalar kirgan, biroq ularning yetkazilishi ob-havo sharoitlari sababli qoldirildi.  

S-400 polk majmuasining tarkibiga pusk qurilmalari, boshqaruv modullari, radiolokatsion stansiyalar va boshqa qurilmalarga ega 8 ta divizion kiradi. Polk majmuasi bir vaqtning o‘zida 400 tagacha raketalarga karshi raketalarni qo‘llay oladi, havo hududini nazorat qiluvchi qo‘shimcha vositalar bilan jihozlangan barcha balandlikdagi aniqlovchi qurilma 500-600 kmgacha masofada havodan tahdid soluvchi xavfni to‘liq bartaraf eta oladi.

Aytish joizki, Xitoy S-400 majmuasining ilk xorijiy xaridori bo‘ldi. 2014 yilda imzolangan shartnomaning qiymati 2 mlrd dollardan ko‘proqqa baholangan. Xitoy S-400’ni sotib olishini e'lon qilgandan keyin, bir qator davlatlar, jumladan, Turkiya, Saudiya Arabistoni va Hindiston ham uni sotib olishga qiziqish bildira boshlagan.