2019 yildan ko‘proq temir yo‘l mahsuloti sertifikatlanadi

Vazirlar Mahkamasining 22.03.2018 yildagi 211-son qarori bilan Majburiy tartibda sertifikatlanadigan, O‘zbekiston Respublikasi hududida ishlab chiqariladigan va unga olib kiriladigan mahsulotlar turlari ro‘yxatiga qo‘shimchalar kiritildi. Bu haqda Norma yozmoqda.

Temir yo‘l mahsulotini majburiy sertifikatlashtirish Temir yo‘llarda yuk va yo‘lovchilar tashish xavfsizligini nazorat qilish davlat inspeksiyasining «Temir yo‘l mahsulotini sertifikatlashtirish markazi» DUK va «O‘zstandart» agentligi huzuridagi akkreditatsiyadan o‘tgan idoraviy sinov va sertifikatlashtirish markazlari tomonidan amalga oshiriladi.
 
Ro‘yxatning alohida pozitsiyalari (40, 43, 60, 63) sertifikatlanadigan temir yo‘l mahsulotining yangi turlari bilan to‘ldirildi, shuningdek yangi pozitsiya (71-1) qo‘shildi. O‘zgartirishlar jadvalda keltiriladi.

Hujjat 1.01.2019 yildan kuchga kiradi.