Venesuelada mushukka azob bergan futbolchilar jazolandi

Venesuelaning «Suliya» klubi yarimhimoyachi David Barreto va himoyachi Eduin Kero bilan imzolangan shartnomalarni bekor qildi.

AFP xabariga ko‘ra, futbolchilar mushukka azob berishgan. 

Avvalroq, Kero Instagram sahifasida mushukni xo‘rlayotgan Barreto fotosuratlarini joylashtirgan edi. Unda futbolchi jonivorning oyoq-qo‘llarini cho‘zib, bir necha qavat balandlikdan asfaltga tashlab yuborgani tasvirlangan edi.