Xitoyda Shimoliy Koreyaga ommaviy qirg‘in qurollari uchun materiallar eksporti taqiqlandi

Xitoy BMT Xavfsizlik kengashi rezolyutsiyasi talablarini bajarish doirasida Shimoliy Koreyaga ommaviy qirg‘in qurollari ishlab chiqarishda qo‘llanishi mumkin bo‘lgan materiallar va texnologiyalar eksportini taqiqladi. Bu haqda Xitoy tijorat vazirligida ma'lum qilingan. 

“BMT Xavfsizlik kengashining 2575-rezolyutsiyasini bajarish doirasida va “Tashqi savdo haqida”gi qonunning 16- va 18-moddalariga muvofiq, Shimoliy Koreyaga ommaviy qirg‘in qurollari va ularni tashish vositalariga taalluqli materiallar va texnologiyalar hamda oddiy qurollar uchun ikki maqsaddagi materiallar eksporti taqiqlansin”, deb aytilgan bayonotda. 

Taqiqlov bayonot chop etilgan kundan kuchga kirgan.

Xitoy tijorat vazirligi eksport qilinishi taqiqlangan materiallar va texnologiyalarning batafsil ro‘yxatini e'lon qilgan.