Foto: Sergio Perez/Reuters
Vengriya bosh vaziri Viktor Orban mamlakatdagi parlament saylovlarida «FIDeS – Vengriya fuqarolik ittifoqi» hukmron koalitsiyasi g‘alaba qozongani haqida e'lon qildi, deb xabar bermoqda Reuters.
«Biz g‘alaba qozondik... Biz ishonchli g‘alabaga erishdik», - deya ma'lum qildi Orban.
Agentlik ma'lumotlariga ko‘ra, ovozlarning 69,14 foizi hisoblab chiqilganida, koalitsiya Vengriya parlamentida 134 o‘rinni olishi aniq bo‘ldi. Bu barcha o‘rinlarning uchdan ikki qismiga teng.
Ta'kidlanishicha, Vengriyadagi boshqa ikki partiya yetakchisi parlament saylovlaridan so‘ng iste'foga chiqdi. Siyosatchilar bunga saylovlardagi mag‘lubiyat bilan izoh bergan.
Xususan, «Yobbik» o‘ta o‘ng partiyasi yetakchisi Gabor Vona lavozimidan ketishini ma'lum qildi.
